Амман. ЖъоныгъуакIэм и 8, 2014.
ЖъоныгъуакIэм и 8-м Иорданием икъэлашъхьэ Амман итхьэматэ Балтаджи Акилрэ Къэбэртае-Бэлкъар республикэм икъэлашъхьэ Нальчик итхьэматэ Къодзыкъо Мухьамэдрэ къалитIум язэпхыгъэнрэ язэдэлэжьэнырэ фэгъхьэгъ зэгурыIоныгъэ тхьапэ чIадзагъ. Джащ фэдэу ИА Джан-Нюз (jannews.net) къетхы.
"Иорданиемрэ Урысие Федерациемрэ язэкъощыныгъэ гъэпытэгъэным ипкъыгъомэ ащыщ мы зэгурыIоныгъэ тхьапэр",- Балтаджи къиIуагъ.
"Амманрэ Налчикрэ язэгурыIоныгъэ тхьапэм шIуагъэбэ хэлъэу сэлъытэ", Къодзыкъом къиIуагъ ыкIи Амман ыкъызегъэIэтын илъэсбэ хъугъэу Адыгэу ащ щыпсэухэрэр зэрхэлажьэхэрэр къыхигъэщыгъ.
ЗэгурыIоныгъэ тхьапэм зэритымкIэ экономикэ, кулътура, спорт, экологие ыкIи нэмыкI лъэныкъохэм къалитIур IэпыIэгъу зэфэхъущтых.
No comments:
Post a Comment