19.5.14

Германием ит къалэу Мюнхен шъыгъо-зэхахьэ щыкIуагъ

Урыс-Адыгэ заор зэраухыгъэр илъэс 150 зэрэхъугъэм фэгъэхьыгъэ шъыгъо-зэхахьэ жъоныгъуакIэм и 18-м Германием ит къалэу Мюнхен щыкIуагъ.  Джащ фэдэу фасебоокымкIэ инэкIубгъо къыщетхы Circassian Parliament ицIэ зихьырэ Адыгэ активистым.

Шъыгъо-зэхахьэм нэбг 40 фэдиз хэлэжьагъ. Ащ кIэщакIоу фэхъугъэр "Мюнхен Адыгэ институт" зыфиIорэр ары. Circassian Parliament къызэритхырэмкIэ зэхахьэм хэлэжьагъэхэр Iоф 4 зыкIэдаохэрэр:
Адыгэ лъэпкъ гъэкIодыр ащтэныр.
Адыгэ лъэпкъым фитыныгъэу иIэхэм лъытэныгъэ къыфашIыныр.
Адыгэ хэкур шъхьэфитыныр.
Адыгэ къэралыгъо шъхьэфит гъэуцугъэныр.

КъэIогъэн фае, Германием щыпсэурэ Адыгэхэм япчъагъэ зыфэдизыр гъэнэфагъэу щыIэп.  Ащ Адыгэ организацие 16 фэдиз щэлажьэ. Ахэм къызэраIорэмкIэ анахь макIэмэ Адыгэ мин 50 Германием щэпсэу.







No comments:

Post a Comment